- Prufissuri Santanocito sa visti a pattita duminica?
- Raggiuneri Fisichella c’ha dittu ca mi chiamu Santonocito ‘ca o, viremu ancora quanti voti cill’arriuddari. Cettu ca ma visti, lei chi dici?
- E chinni pensa dell’argomento del giorno?
- Vossia?
- I friscuni no, u diritturi ca si siddiau: ‘pi mia avi raggiuni a c’erumu abituati a fari a serie A
- Raggiuneri tantu p’accuminciari c’ha dittu chiussai di na vota ca non è diritturi e quindi non dirigi nenti, semmai amministra vistu ca è amministraturi e spatti delegatu
- Va bé prufissuri ma ’sustanza chinni pensa?
- Pensu ca ficiru bonu a friscari, quannu iu vaiu o tiatru e non m’’aggrada u spittaculu dissento, caru raggiuneri chi paga il biglietto ha il sacrosanto diritto di poter criticare uno spettacolo fitusu.
- Intantu non fù fitusu e poi chi c’entra? U stadiu chi è u tiatru?
- Pi quantu fa pavari l’amico to aviss’agghiessiri megghiu do tiatru
- Prufissuri non è amico me, e non tunnamu sempre supra u stissu discussu. Tantu u sacciu comu a pensa lei, allura si ‘pi lei ficiru bene a friscari fici beni macari Lo Monaco a ‘ncazzarisi?

- No, chi c’entra?
- a comu chi c’entra, picchì si o tiatru i friscanu l’attori non s’incazzanu?
- si ma in silenzio, con classe
- si va be’ prufissuri n’accuminciassi ca filosofia ca cummia n’attacca
- vede caro ragioniere tutto nella vita è filosofia, un grande Papa amava dire “Dite ai giovani che il mondo esisteva già prima di loro, e ricordate ai vecchi che il mondo esisterà anche dopo di loro”
- e cu chistu chi vulissi diri prufissuri?
- che tutto passa caro ragioniere, noi, loro….
- minchia c’ha stà ghittannu? Quantu mi toccu
- no chi c’entra, in senso metafisico: oggi c’è Pulvirenti e Lo Monaco
- aieri c’era Gaucci, no peddiri.
- domani chissà?
- appuntu prufissuri è stu chissà ca mi preoccupa a mia
- ma lei non sa preoccupari raggiuneri, semmai i so figghi s’avissaru a preoccupari
- minchia, e ci tonna?
- sempre in senso metafisico
- si ma non mi vulissi attruvari intra ‘tabbutu, in sensu metafisicu
- ma che dice caro ragioniere? Comunque tornando a noi è palese che Lo Monaco difetta nella comunicazione
- Prufissuri lei u sapi ca cummia a parrari comu mancia
- cioè è poco diplomatico
- u sapi chi ci ricu? Ca iù preferisciu accussì, u sapi comu mi piacissi ‘sinnacu ca parrassi chiù picca e cunchiurissi chiussai
- Raggiuneri non ma girassi ‘politica però, ‘ca di palluni stamu parrannu
- a mia mi pari c’ama parrutu di friscuni, di diplomatici, di tabbuti ma no di palluni
- taddu si fici raggiuneri, me mugghieri astura ci calau i maccaruni, a dumani
- sabbenerica prufissuri